बोर्डका सदस्य सचिव जङ बहादुर अर्यालले जारी गरेको विज्ञप्तिअनुसार विद्यार्थीले अनलाइनमार्फत पुनर्योगका लागि आवेदन दिन सक्नेछन्।
यसका लागि परीक्षार्थीहरूले जेठ १ गतेदेखि जेठ ७ गतेसम्म बोर्डको वेबसाइटमार्फत आवेदन फाराम भर्नुपर्नेछ। सोही अवधिमा उत्तरपुस्तिका अवलोकन तथा पुनः परीक्षणको सुविधा पनि उपलब्ध हुनेछ।
यस वर्ष नियमिततर्फ ४ लाख ३० हजार ६६७ विद्यार्थी परीक्षामा सहभागी भएका थिए। तीमध्ये २ लाख ८४ हजार १६० विद्यार्थी ग्रेडेड भएका छन्, जुन कुल परीक्षार्थीको ६५.९८ प्रतिशत हो।
१ लाख ४६ हजार ५०७ विद्यार्थी ननग्रेडेड भएका छन्। बोर्डले उनीहरूका लागि असार १ गतेदेखि ९ गतेसम्म पूरक परीक्षा सञ्चालन गर्ने जनाएको छ।
0 Comments